POEZIJA PLUS - VINCENZO MARIA PELLEGRINI

Vincenzo Maria Pellegrini

IFEĠĠ IL-ĦSIEB

Żiffa li tgħaxxaq,

dawl mifrux bħal baħar,

fwejjaħ moħbija

li ma tafx ta’ xiex...

min jaf mnejn fiġġ fuq l-art

miraklu ta’ sbuħija

hekk daħkana, hekk smewwija,

miraklu ta’ tgawdija

hekk bla tarf?

Il-ħemda mas-serħan

titgħaxxaq f’bewsa;

fil-bogħod iżiġġ jitbandal

brigantin

bil-ġwienaħ bojod

bħal tal-gawwi jtir;

ġo moħħi jfiġġ il-ħsieb,

jinżel sa qalbi

u b’għaġeb tassew kbir

jisraq miraklu ta’ sbuħija oħra

x’ħin ta’ din ruħi

ibexxaq ftit il-bieb.

Vincenzo Maria Pellegrini hadem biex il-poezija Maltija tkun maghrufa barra minn xtutna. Qaleb ghadd ta’ poeziji ghat-Taljan. Kien ukoll jikteb il-poezija. Fost il-kotba tieghu hemm L-Epopea ta’ Gensna.

© Malta Poetry u Poezija Plus. All right reserved.